Your Cart Is Empty
✖No products in the cart.
Ná die Anglo-Boere Oorlog het die gemeenskap van Bethal hul kinders na die skool in die Samuelsaal gestuur as verset teen Lord Milner se Engelse tentskole.
Die tentskole het leeggeloop. Terselfdertyd het die skool in die Samuelsaal en die tentskole saamgesmelt in 1910, met mnr. P.I. Hoogenhout as die eerste hoof. Die skool het só vining gegroei dat ‘n behoefte vir ‘n groter hoërskool ontstaan het.
Só word Bethal se Hogere Skool op 10 April 1918 gevestig, met die leuse Non Sibi Sed Patriae (Nie vir myself nie, maar vir my vaderland).
Die skool is vernoem na mnr. P.I. Hoogenhout en is die eerste skool wat na ‘n privaatpersoon vernoem is.
Nou, 108 jaar later, is Hoërskool Hoogenhout steeds ‘n skool van uitnemendheid en sit ons ons trotse tradisies voort.
Dit is voorwaar ‘n besonderse voorreg om met meer as 100 jaar se geskiedenis te kan voortbou vir nog 100 jaar se Hoogies.
As Alumni van Hoogenhout, maak kontak met ons om deel van ons Alumni databasis te word, en sluit gerus aan by HOK (Hoogenhout Ondersteuners Klub) vir slegs R108 per maand. ALLE persone kan deel word van HOK!
Voordele sluit in:
Moedertaal-onderrig is vir ons belangrik en daarom doen ons moeite om Afrikaans deurlopend te gebruik en te bevorder.
Kies uit ‘n verskeidenheid opwindende vakke. Ons doen veral moeite om in gr.10 oop vakkeuses moontlik te maak. Dit beteken dat leerders vakkombinasies kan neem wat nie by alle skole moontlik is nie.
By Hoogies is daar ‘n plekkie vir almal. Ons wil graag ‘n omgewing skep waar leerders nie net uitblink in akademie nie, maar ook ontwikkel en groei in leierskap, sport, kultuur en diensbaarheid.
Hoërskool Hoogenhout strewe daarna om ‘n innoverende en leidinggewende hoërskool te wees wat leerders geleenthede bied om met die nodige lewensvaardighede toegerus te word sodat hulle ‘n positiewe verskil in die samelewing kan maak.
Ons wil ‘n omgewing skep waar elke leerder op akademiese, geestelike, kulturele en sportvlak kan ontwikkel deur innoverende bestuur, mentorskap, personeelvoorsiening en ontwikkeling, navorsing en eksterne samewerking.
Ons waardes word uitgeleef en bestaan uit verskillende inisiatiewe om ouers, onderwysers en leerders saam te snoer. Ons waardes is: verantwoordbaarheid, respek, integriteit, empatie, nederigheid en diensbaarheid.
Bevorder die ontwikkeling van talent in kuns en kultuur.
Moedig kreatiewe gebruik van vrye tyd aan deur kulturele aktiwiteite te beoefen.
Die Hoogies se horisonne word verbreed met 'n wye verskeidenheid aktiwiteite.
Elke Hoogie kan sy/haar volle potensiaal bereik.
Geleenthede te bied vir leierskap, inisiatief, verantwoordelikheid en selfagting.
By Hoogenhout skep ons 'n gedissiplineerde skoolomgewing wat leerders voorberei om hul plek in die wêreld vol te staan.
Hoërskool Hoogenhout studente streef na kennis en konseptuele begrip in ‘n wye verskeidenheid vakke en word te alle tye aangemoedig om skakels te maak tussen hul leer en die wêreld waarin hulle leef.
No products in the cart.