/Atletiek
Atletiek 2020-06-29T06:05:13+00:00
Hoogenhout Atletiek

Atletiek is ‘n trotse deel van Hoogenhout se geskiedenis. Ons atlete het nog altyd besondere prestasies behaal, nie net op die plaaslike en provinsiale vlak nie, maar in nasionale en internasionale geselskap ook.

Name wat onwillekeurig by ‘n mens opkom is Riaan Dempers, Handri en Merize Theron, Josef van der Linde, Llewellyn Herbert en Elandrie Drotsky.  Sekerlik een van die grootstes was Llewellyn Herbert wat na skool brons en silwer by die Wêreldkampioenskappe en Olimpiese spele verower het.

 

Tydens die eeufeesviering in 2018 het Hoogenhout hierdie atlete vereer deur die straatname op ons terrein na hulle te vernoem.

 

Twee hoogtepunte op ons jaarlikse atletiek kalender is:

  • Afgri Top 10 middag-aand byeenkoms, waar spanne van wyd oor die land op ons terrein meeding.
    Elke span bestaan uit 15 atlete en die span se beste 10 ABSA punte word in berekening gebring om die wenspan (skool) te bepaal.

 

  • TWK Agri Hoëveld Interhoër wat op rotasie basis aangebied word. Die deelnemende agt skole is:
    • Hoogenhout
    • Piet Retief
    • Generaal Hertzog
    • Standerton
    • Volksrust
    • Secunda
    • Pionier
    • Kanonkop 

‘n Wenresep vir uitstekende atletiek, kleurvolle dirigente, heerlike sangkompetisie en positiewe samesyn.

 

Dit is dan ook Hoogenhout se voorreg om die komende Interhoër byeenkoms aan te bied in 2021.